1.maí

Þann 1.maí ár hvert er haldið upp á aljóðlegan baráttudag verkalýðsins og er leikskólinn lokaður þann dag eins og flestar aðrar stofnanir. Þó svo að vorið sé rétt handan við hornið þá vöknuðum við hér á Skagaströnd við hvíta jörð í morgun svo munum eftir hlýju útifötunum á meðan veturinn er á báðum áttum með að hverfa frá.

Margt fróðlegt hefur borið upp á 1.maí í gegn um tíðina, meðal annars:

• 1783 - Ný eyja, sem kölluð var Nýey, myndaðist í eldgosi neðansjávar suðvestur af Reykjanesi, líklega í grennd við Eldeyjarboða. Ári síðar var hún horfin.
• 1923 - Kröfuganga var í fyrsta skipti farin á Íslandi á 1. maí.
• 1937 - Kvæði Halldórs Laxness, Maístjarnan, birtist fyrst í æskulýðsblaði.
• 1948 - Sunnanlands snjóaði svo mjög að með fádæmum þótti. Jafnfallinn snjór á Stórhöfða í Vestmannaeyjum mældist 65 sentimetrar.
• 1970 - Rauðsokkuhreyfingin tók þátt í kröfugöngu verkalýðsins í Reykjavík og er upphaf hennar miðað við þennan atburð.

Gaman að þessu :)