Leikskólinn hófst að afloknu góðu fjögurra vikna sumarfrí sl. þriðjudag 5. ágúst.
Við vonum svo sannarlega að allir hafi notið sumarfrísins í hvívetna, átt notalegar stundir, skapað skemmtilegar minningar og notið lífsins.
Þó svo að sumarfríið hafi verið gott og skemmtilegt þá er svo sannarlega gott að komast aftur í röð, reglu og rútínu, Við erum að máta okkur inn í nýja hópa, en alls eru 28 nemendur í skólanum þetta haustið, sá yngsti er 12 mánaða.
Hænurnar okkar eru komnar aftur í leikskólann en þær þurfti að fá skjól í sveitasælunni í sumarfríinu, en við fögnum því að þær eru komnar aftur til okkar.
Við siglum inn í haustið og veturinn full af eftirvæntingu og gleði.
